ධීවර කර්මාන්තය ශ්‍රී ලංකාවේ දළ දේශීය නිෂ්පාදිතයට වැඩි දායකත්වයක් ලබා දිය හැකි ප්‍රධාන අංශයකි. මිලියන 2 ක පමණ ජනගහනයකගේ ජීවනෝපාය වන අතරම මෙම අංශය ජනතාවගේ පෝෂණ අවශ්‍යතා සපුරාලයි. ධීවර හා ජලජ සම්පත් දෙපාර්තමේන්තුව විවිධ කාල වකවානුවලදී විවිධ ක්‍රමවේද ඔස්සේ ධීවර ක්ෂේත්‍රය සංවර්ධනය හා කළමනාකරණය කිරීමේ වගකීම දරන ප්‍රධාන ආයතනය වේ.

මේ වන විට දෙපාර්තමේන්තුවේ අවධානය ප්‍රධාන වශයෙන් යොමු වී ඇත්තේ ජාත්‍යන්තර සම්මුතීන්, නීති සහ නීතිරීතිවලට අනුකූලව වගකිවයුතු ධීවර කර්මාන්තයක් වෙත ධීවර ජනතාව යොමු කිරීම කෙරෙහි ය. එසේ වුවද, ධීවර ජනතාවගේ සමාජ-ආර්ථික තත්ත්වය වර්ධනය කිරීම අරමුණු කරගත් ක්‍රියාකාරකම් සහ වැඩසටහන් රාශියක් දියත් කරන ලදී. සමාලෝචිත වර්ෂයේදී සහ ධීවර ජනතාවගේ ජීවන තත්ත්වය ඉහළ නැංවීම මගින් උසස් තත්ත්වයේ මත්ස්‍ය අස්වැන්නක් ලබා ගැනීමේ හැකියාව වැඩිදියුණු කිරීමට අපේක්ෂා කෙරේ.

මීට අමතරව, ධීවර යාත්‍රා සහ ධීවර ආම්පන්න නිසි ලෙස කළමනාකරණය කිරීම තුළින් අනාගත පරපුර සඳහා පුනර්ජනනීය නමුත් සීමිත ධීවර හා ජලජ සම්පත් ආරක්ෂා කිරීම සහ නියාමනය කිරීම දෙපාර්තමේන්තුවේ ප්‍රධාන කාර්යභාරයකි.