ප්‍රධාන කාර්යාලයේ සියළුම අංශ ප්‍රධානීන් හා

දිස්ත්‍රික් භාර සහකාර අධ්‍යක්ෂවරුන් වෙත,

වාර්ෂික අභ්‍යන්තර ස්ථාන මාරු 2026

(ධිවර නිලධාරි/ධීවර සම්පත් කළමනාකරණ සහකාර/ධීවර පරීක්ෂක/ සංවර්ධන නිලධාරි/ කළමනාකරණ සේවා නිලධාරී/රියදුරන්/කාර්යාල සේවක සේවයේ සේවකයින්)

මගේ සමාංක හා 2025.06.23  දිනැති ලිපියෙන් නිකුත් කරන ලද 2026 වර්ෂයේ අභ්‍යන්තර ස්ථාන මාරුවීම් කැඳවීම් නිවේදනය අනුව දෙපාර්තමේන්තුගත සේවයට අයත් ධීවර නිලධාරී/ධීවර සම්පත් කළමනාකරණ සහකාර/ ධීවර පරීක්ෂක/ හා ඒකාබද්ධ සේවයේ සංවර්ධන නිලධාරී/ කළමනාකරණ සේවා නිලධාරී/රියදුරන්/කාර්යාල සේවක සේවයේ සේවකයින්ගේ අභ්‍යන්තර ස්ථාන මාරු නියෝග මේ සමග අමුණා ඇති උප ලේඛනයේ සඳහන් වන අතර 2026.01.01 දින සිට හෝ ස්ථාන මාරු නියෝගය ඉදිරියේ දක්වා ඇති දිනයන්හි දී ක්‍රියාත්මක වන බව මෙයින් නිවේදනය කරමි.

2. මෙම ස්ථාන මාරුවීම් සිදු කිරීමේ දී ඔවුන්ගේ ස්ථාන මාරු ඉල්ලීම් පිළිබඳව වාර්ෂික ස්ථාන මාරු කමිටුවේ අවධානයට යොමු වී නොමැත්තේ නම් පමණක් 2025.11.14 දිනට පෙර ස්ථාන මාරු යෝජනා සමාලෝචන කමිටුව වෙත අභියාචනා ඉදිරිපත් කළ හැකිය.(අභියාචනා ඉදිරිපත් කිරීමේ දී එහි සඳහන් කරුණු සනාථ කර ගැනීමට අදාල ලිපි ලේඛන හෝ වෛද්‍ය වාර්තා ඉදිරිපත් කිරීම අනිවාර්යය වේ.)
3. තව ද මෙම ස්ථාන මාරු වෙනුවෙන් ගමන් වියදම් හෝ උපවේශන දීමනා ද ගෙවනු නොලැබේ.

4. ඒ අනුව ස්ථාන මාරු වී යාමට ප්‍රථම ඔවුන් භාරයේ ඇති රජය සතු සියළුම බඩු බාහිරාදිය හා ලිපි ලේඛන අංශ ප්‍රධානී විසින් නම් කරනු ලබන නිලධාරියෙකු වෙත විධිමත්ව ලිඛිතව භාර දීම සිදු කළ යුතුය.
5. නව සේවා ස්ථානයේ රාජකාරී භාර ගැනීමෙන් පසු ඒ බව නව අංශ ප්‍රධානි මගින් ප්‍රධාන ගණකාධිකාරී හා සහකාර අධ්‍යක්ෂ (පාලන) වෙත ද පිටපත් සහිතව මා වෙත දන්වන්න.

අ/කළේ: සුසන්ත කහවත්ත

අයේෂා උදයන්ති පතිරණ                                                            අධ්‍යක්ෂ ජනරාල්

අධ්‍යක්ෂ (පාලන)                                                                        ධීවර හා ජලජ සම්පත් දෙපාර්තම්න්තුව

පිටපත්:-

• ප්‍ර‍ධාන ගණකාධිකාරී /ගණකාධිකාරී (ගෙවීම්)

2. ප්‍රධාන අභ්‍යන්තර විගණක
3. සහකාර අධ්‍යක්ෂ (පාලන)
4. පෞද්ගලික ලිපිගොනුවට